Search
Search
Photo Credit: Eva Mai

Toe see i lalo le tulaga o le Taitoafitu a le Manu Samoa

Ua mae’a le vae o le taitoafitu lea sa faia i Hong Kong i le faaiuga o le vaiaso ua mavae ma ua see ifo ai loa le Manu Samoa taitoafitu i le tulaga 11 ma saofai ai i le faasologa o ‘au taitoafitu a le lalolagi. 

O le taimi nei i le faatinoina o le taamilosaga taitoafitu a le lalolagi, ua na o le 12 ‘au lelei o lea ua mafai ona auai, o lona uiga e foliga mai toe tasi le ‘au o loo i lalo ifo o le Manu Samoa, ona misi foi lea o le avanoa o le Manu i lea taamilosaga a le lalolagi. 

Ae o le faaletonu sa iai le Manu Samoa i le taamilosaga i Hong Kong, na mae’a le Pool C sa iai le Manu Samoa, e lei maua sona malo i ‘au sa latou taalo e pei ona malolo ai i lana taaloga muamua ma Spain, faia’ina ia Ireland, ona toe faia’ina foi lea ia Aferika. 

E lei maua se avanoa i luga o le sailiga o le Ipu Autu, ae sa taalo ma Peretania i ‘au pito i lalo ma manumalo ai i le 12 le Manu Samoa i le 7 a Peretania. 

O lana taaloga mulimuli na toe faia’ina ai ia Argentina 42 i le leai a le Manu Samoa. 

Ae na saunoa le susuga i le faiaoga ia Muliagatele Fata Brian Lima i luga o polokalame a le Sports Talanoa e faapea, e iai tama taaalo sa lē mafai ona faaauauina le taaloga ona ua lavevea, ae iai foi vaega o le taaloga e tatau ona faaleleia auā le agai i luma o le ‘au a le atunuu, ma o nei faaletonu uma o le a toe taumafai le pulega ma le ‘au e toe faalelei atili mo isi vae o le taitoafitu o loo loma nei. 

Na momoli foi le agaga faafetai o le susuga i le faiaoga ia Muliagatele i le tapuaiga a le atunuu aemaise o se taumafaiga ua oo iai le Manu Samoa i ana taaloga i Hong Kong. 

O le All Blacks a alii ma tamaitai a Niu Sila lea ua sola mai ma le siamupini o le taitoafitu i Hong Kong. 

Tala sili ona faitaulia

POLOKALAME A LEOLEO

Tala mai samoa

TALA FOU MAI SAMOA

TALA MAI NIU SILA

SAMOA UPDATE

PODCASTS

Listen on

FAATALATALANOAGA

Keep uptodate with Radio Samoa activity & promotion

* indicates required