Ua faailoa e nisi e fiafia i le tietie uila o loo tuuina e le malo se vaega tele o tupe i se poloketi tau auala i Aukilani i Saute lea sa taofia mai i le 3 tausaga talu ai.
O le minisita o felauaiga Simeon Brown na ia faailoa i le amataga o le vaiaso nei le fuafuaga faataatia a le malo i le atinaeina o felauaiga i le laueleele, lea la e aofia ai ma le poloketi lea a le Mill Road Corridor ma le East West Link.
Fai mai e tetele vegatupe o loo ua faaagaga mo ia galuega.
O le vaega muamua o le Mill Rd fai mai sa fuafua lona tau i le 1.3 piliona ma le East West Link o lona tau e 1.9 piliona.
Ua matuā fiafia ai komiuniti i Aukillani i Saute ina ua toe faaauau lenei galuega.
Ua faamatuu atu nei la le pepa o faamatalaga e faatatau i faiga faavae o le galuega mo le faatalanoaina ma e tapunia finagalo faaalia i le aso 2 o Aperila.
