E lei atoa se vaiaso talu ona Palemia Chris Hipkins, ae ua see mālie mai ai i luma le vaa o le Labour.
O le faaiuga lea o le uluai palota a le 1News Kantar Public Poll talu ona Palemia Chris Hipkins ma faatoa toe maua lea e le Labour o se maualuga faapea talu mai Ianuari o le tausaga talu ai.
E 5% faaopoopo mo le Labour ma o lea ua saofai ai nei i le maualuga e 38%, a faaliliu i nofoa o le maota e tusa lea ma le 49 nofoa, lona lua atu iai le National e 37%, ACT e 10%, Green e 7% ma le New Zealand First e 2%.
Na tuu mai le fesili poo ai o le Palemia ma le taitai o le National, Christopher Luxon e mananao iai tagata e avea ma Palemia, o Hipkins e 23% na ia mauaina ae o Luxon e na o le 22%.
Mai le Palemia fou o Niu Sila, o se faamalosiau ia te ia le faaiuga o le palota peitai e tele lava galuega e tatau ona fai.O le palota faapolokiki lenei na faia mai i le Aso Lulu o le vaiaso talu ai seia oo mai i le Aso Sa faatoa uma atu, e pei ona fesiligia ai tagata palota agavaa e 1008
