Ua faamuta taumatega ma masaloga o nisi e faatatau i le lumanai o se tasi o alii taalo iloga a Ausetalia o Cameron Munster ina ua faailoa i le asō o le a toe tumau pea i lana kalapu le Melbourne Storm.
Ua toe malie Munster i se isi fa tausaga e faaopoopo ai lana konekarate, lona uiga faatoa faamae’a i le 2027.
O loo lipotia foi e foliga sa teena e le alii taalo se isi ofo e maualuga atu ae peitai ua filifili e toe nofo pea i lana kalapu.
Fai mai a ia o lona loto lava o loo i le Storm ma o se faaiuga tāua tele lenei mo ia ma o isi alii taaalo o le a toe finauina se ‘ai o le Storm i le taamilosaga o lumanai nei e aofia ai Harry Grant, Jarome Hughes, Ryan Papenhuyzen, Xavier Coates, Justin Olam ma Christian Welch.
