O le fono faaletausaga a le Samoa Umbrella for Non-govermental Organisation poo le SUNGO ia poo le faalapotopotoga o loo avea ma faamalu o auaunaga tuma’oti uma i lo tatou atunuu, ua toe filifilia ai le sui o tupulaga talavou a le ekalesia EFKS a Tulaele le tofa Lavea Peseta Lua Nafoi, e avea ma Pelesetene aoao, ae filifilia isi sui o faalapotopotoga tuma’oti o loo avea ma sui lesitala o le SUNGO i isi tulaga tofi o le komiti faatonu.
O le fono faaletausaga a lea faalapotopotoga tuma’oti e lē aofia i ni pulega faalemalo sa talanoaina ai ana polokalame faaauau mo le isi tausaga o sosoo ai nei.
O le SUNGO foi o loo tapuvae tasi iai le faagasologa o polokalame mo isi faalapotopotoga tuma’oti i le atunuu o loo avea ma ona sui lesitala.
