Ua toe maua uma le 6,000 tagata lea sa sue i le uma ai o le afā o Gabrielle.
Ua faamaonia mai e leoleo o lea ua toe maua fesootaiga ma i latou uma nei ma o le toatele lava o tagata Hawke’s Bay ma Tairawhiti.
Ae mo le tamā ia Joseph Ahuriri o lea lava e lei maua se fesootaiga, ma o ia lea na muamua fai mai o loo sue ona e le o mafai ona maua se fesootaiga, mulimuli ai oo mai i le vaiaso talu ai ua faaupuina o le tagata ua leiloa.
A o lei maua ai Joseph ua fai mai le ofisa o leoleo e ono le fesootai lona leiloa ma le afā sa iai nei iai talitonuga.
O le lipoti foi ananafi na toe faamaise mai ai le ofisa o leoleo i aiga mafatia ua maliliu o latou tagata mai le afā, e pei ona iai pea le fuainumera e 11.
