Ua toe maua mātua o le fanauiti na maua i luga o le auala anapo e leoleo i Northland.
Tusa o le ‘afa o le fitu lea na maua ai tamaiti e toalua, o le 2 ma le 3 tolu tausaga o savavali i Tauroa St, ma amata pisi mai ai loa le ofisa e sue o laua aiga.
Na lipotia e le Herald o le drive through lea na maua ai, ma e iai fale’aiga a le McDonald’s faapea le KFC i le nofoaga lava lea.
E lē gata la i le galulue malosi o leoleo anapo, ae faapea ai le fesoasoani a tagata o le komiuniti, ma o lea na toe maua ai lava anapo mātua o fanau nei.
Ua faafetaia e leoleo Northland le tali atu o tagata ina ua valaau mai mo se fesoasoani anapo.
