Ua lē tipotia le tagata Pasefika overstayer lea na aveesea faamalosi mai e leoleo i le vaveao mai lona fale i Aukilani.
O tala a le leitio a Niu Sila o loo toe molimau ai le loia o Soane Foliaki o loo tu mo le tamā na aveesea mai lona fale i le masina talu ai, ua mae’a iloilo e le minisita lagolago o le Immigration, Rachel Brooking ma o lea ua talia lona visa lē tumau, poo le temporary visa e mafai ai ona toe nofo.
O loo uiga ua agavaa ai nei lea tamā e faatalosaga lona avanoa nofomau i lalo o lona toalua ma le fanau.
E tolu aso ma le lua po lea na taofia ai i le ofisa o leoleo i Manukau le tamā ae e lei toe tatalaina mai i tua i toe o nai itula tietie i le vaalele e tipoti ai.
A o suesue e le Immigration lenei mataupu, e iai le talitonuga o le tamā ua toe maua lona avanoa o le malosi o le finau faapolokiki lea ua maua ai lona visa lē tumau.
