Na faamalosia le toe liliu o se tasi o faigamalaga a le Qantas sa aga’i mo Perth ona o se faaletonu ma faatulaueleele ai i Mascot i le taeao analeila.
Ua lipotia e le 7News o le vaega o le fesoasoani faavavave na faatotope atu i le malaevaalele i Sini ina ua toe foi mai iai le faigamalaga lea e mafua i se tulaga na tupu i luga o le vaalele.
Fai mai se sooupu a le Qantas i le lipoti lea o se technical issue, faaletonu tau le vaalele ma faailoa e le sooupu o a latou pailate ua tolenia i tulaga faapea ma sa mafai ona tulaueleele saogalemu lea faigamalaga ma ua faamālūlū ai i le pasese ona o le faaletonu ma ua faia nei le su’esu’ega a inisinia i le vaalele.
Fai mai o le ‘afa o le 11 i le taeao analeila na toe faatulaga ai se isi malaga faaopoopo mo pasese na aafia ae lē o manino mai le faaletonu na afua ai le toe foi o le vaalele, pau le itu lelei e leai se soifua na aafia ma o loo faia pea su’esu’ega.
Puna o Faamatalaga: https://7news.com.au/news/qantas-sydney-to-perth-flight-forced-to-circle-and-make-emergency-landing-after-on-board-distress-call–c-17906427
