Ua toe lapataia foi Sini ma isi vaega o le atunuu i timuga mamafa i le vaiaso nei ma ua iai foi ma lapataiga mo lologa.
Fai mai le vaaitau e lua aso sosoo o timuga ma storms o le a aafia ai le tele o setete ma ua lapataia foi e le SES i latou o loo aumau i faaitu e lata i le Macquarie ma le Hawkesbury River.
Fai mai le vaaitau e ono vaaia se isi matatia fou o le tele o le timu toulu i le vaiaso nei i le vaai atu i le tala o le tau.
O le tausaga lenei 2022 ua faailoa e le vaaitau talu mai le 164 tausaga talu ai ua faamauina ai o Sini le faaitu aupito i tele le timu ua pa’ū ai mo lenei lava tausaga.
O le po anapo e silia ma le 400 valaau mo se fesoasoani na galulue ai le aufaigaluega a le SES i Adelaide lea na aafia i le mamafa o timuga ma matagi malolosi.
