Ua toe afea foi Sini ma isi vaega o Niu Sau Uelese I timuga mamafa poo le pomu timu e pei ona faaigoa ai e le vaaitau ma ua iai foi vaega o Sini ua vaaia le lolovaia ile taimi nei.
O leisi popolega pei ona taua I lipoti a le 9NEWS ona o vaega I le itu I matu I sisifo o Sini o loo iai faatanoa ua matauina ua tutumu ma e ono faaopoopo ane lea I lologa pe afai ae ova le vai mai le faatanoa.
Ua toe faatulaga mai lapataiga mai le vaaitau I le aso e faatatau I uiga louloua o le tau ua aafia ai le setete.Fai mai tagata ua lelavava e faaauau pea lava pea ona tapena ma faamama mea faaleagaina mai lologa.
Ua faailoa e le vaaitau e oo atu lava foi I le faaiuga o le vaiaso timuga ua lapataia ai le setete aemaise le mataituina o vaitafe e pei o le Hawkesbury ma le Nepean ma le Colo River.
