Ua toe fono mai i Samoa sui o le Komiti a Malo Aufaatasi mo le Feagaiga o Aiātatau o Tamaiti ma Fanauiti uma i le lalolagi i le faamoemoe e talanoa ai le tulaga o loo iai le faatinoina o aiaiga o lea feagaiga e atunuu o le Pasefika.
Ua 29 nei tausaga talu ona sainia e Samoa le Feagaiga o Aiaātatau o fanau talu mai le tausaga e 1994, peitai e ui ina sa faafaigata ona faaofi i loto o le toatele aiaiga o le feagaiga aemaise lava o le aiātatau o fanau, ae ua molimauina ua tele se suiga ua iai mafaufau ma lagona o le toatele sa latou teena.
O le afioga i le tamaitai Minisita o le matagaluega o tina ma tamaitai atinae o afioaga ma agafesootai sa saunoa e tatala le fonotaga i le faletalimalo o le Taumeasina Island Resort, lea na ia faailoa ai o le 40 pasene o le faitau aofai o le tatou atunuu o tamaiti, ma talu ona saini e Samoa le feagaiga o aiātatau o fanau o loo taumafai pea le malo ina ia maua e tamaiti uma ni olaga manuia ma malupuipuia mai sauaga ma tulaga o le ola lē tagolima e pei ona iai faiga faavae a le Malo.
O le afioga i le faamasino sinia o le faamasinoga maualuga a lo tatou atunuu, afioga Vui Clarence Nelson o se sui o le komiti a Malo Aufaatasi mo le feagaiga o aiātatau o le fanau.
Le afioga Vui Clarence Nelson o se sui o le komiti a Malo Aufaatasi mo le feagaiga o aiātatau o le fanau.
