Toe faatulaga le Kapeneta

Ua faailoa mai suiga o le Kapeneta a Jacinda Ardern, atoa ai ma le faamavae mai o le Fofoga Fetalai.
O Kris Faafoi o le Minisita o Femalaga’iga ua filifili e faamavae mai polokiki ae faatasi atu i lona aiga.
Mai le Palemia o se faaiuga na faailo atu e Faafoi i le taimi o le palota peitai sa ia faatalosaga iai mo se isi tausaga e nofo ai.

Ua faafetaia ai e le Palemia Faafoi i lona sao i le toe fetuuna’iga o femalaga’iga atoa ai ma le faatulaga o faasalalauga.

O le isi minisita o le kapeneta o Poto Williams, o lea ua aveesea mai nei tofiga o le Minisita o Leoleo mai ia te ia ae o le a faatumauina pea i totonu o le Kapeneta ma o le a ia galue ai i le vaega o disability and conservation.

O Poto o lea sa tele iai faamatalaga e lē lelei lona tulai mai i le vaaiga o le matagaluega, peitai e ui i nei tala o loo tumau pea le talitonu o le Palemia ma i saunoaga a Jacinda, o lona talitonuina lea o Poto ua faatumauina ai pea i le Kapeneta.

O le aveese ai o Poto ua see mai ai nei Chris Hipkins e avea ma minisita fou o leoleo.
Mo tofiga na tauave e Hipkins, o lea ua lafo atu nei le minisita o le Koviti i le minisita lagolago o le soifua maloloina Dr Ayesha Verrall.

O loo teena e le Palemia faamatalaga o se fetuuna’iga tele lea na faia i lana Kapeneta i le aso ananafi.
Ae mo le fofoga fetalai Trevor Mallard, o le ogatotonu o Aokuso e faamuta ai ona tiute ae agai atu i lana galuega fou i Europa.