I se lipoti lata mai o lea ua toe faasolosolo manuia tagata Ausetalia e to’afā o loo i le falemai i Fiti i le taimi nei ma e lipotia le masalomia sa faaonā i ni meainu poo le ‘ava malosi sa latou taumafaina.
Fai mai lipoti mai le soifua mālōlōina i Fiti o i latou o loo aafia o ni malo sa aumau i le Warwick Resort i Fiti ae na faalogoina le lē atoa o le malosi i le mae’a o le inumia o ni meainu mai le resort lea i le aoauli o le Aso Toonai talu ai.
Ua faailoa e le ABC e talitonuina o le to’afā o i latou ia e mai Ausetalia ae to’afitu atoa tulisi o loo aafia i lea mataupu.
Ua fautuaina ai foi e le malo Ausetalia tagata malaga i Fiti ina ia faaeteete i tulaga o meainu i le mae’a o lea faalavelave.
Fai mai isi lipoti o le to’afā lea o tulisi Ausetalia o tamaitai uma mai le 18-56 tausaga le matutua ma sa ta’ua i lipoti sa tigaina i le falema’i i Sigatoka ma Lautoka.
Puna o Faamatalaga: https://www.rnz.co.nz/international/pacific-news/536801/fiji-resort-guests-reported-to-be-stable-following-suspected-alcohol-poisoning
