E latalata i le 2700 taavale ua faaleaogaina warrant of fitness (WoFs) ona e lei sa’o ma e lei lelei atoatoa ona pasi.

O le faaiuga vave lea a le pulega a le Waka Kotahi lea ua taofia le tumau ai le pulega a le Mr Q’s Auto i Henderson i Sisifo o Aukilani na te faia siaki ma tuuina atu WoFs o taavale atoa ai ma le faaleaogaina o pepa uma nei o taavale na pasia e la latou inisinia ma o loo aoga i le taimi nei.

Ua manino mai ai foi mai le pulega e na te le totogia le tau o pepa nei ua ia faaleaogaina ona e lei lelei ona pasi, ma e le o ia te ia foi le tali o le fesili pe toe totogi mai e le pisinisi poo le faleinisinia lea ua ia taofia peitai o le fautuaga o le saili o se fautuaga tutoatasi mai le Citizens Advice Bureau.

Ae i le pisinisi a Mr Q’s Auto ma asiasiga na faia e lei mamao atu na maua ai e le o lelei ona faia siaki atoa ai ma e tele o mea sese e le o faamalieina ai taiala a le pulega, ma o lea ua toe faaleaogaina ai le 2,674 WoFs.

Mai le Waka Kotahi, o lea ua o latou faafesootaia  ave taavale o taavale aafia ma faailoa iai na sese ona pasia WoFs o latou sa ma ua tatau ona faia se gaioiga vave.