Ua toe sau le valaau e faafoi sosisi o le ituaiga o le Harmony ona o loo masalomia le maua ai o pepa iila.
O sosisi nei o le ituaiga beef & caramelised onion e uma lona lelei i le aso 20 o le masina lenei, peitai ua faamaonia mai e le New Zealand Food Safety e ono iai i totonu pepa iila ma e le tatau ona taumafaina.
O sosisi o loo gaosia i totonu o le atunuu ma o loo faatauina e supamaketi a le New World, Pak ‘n Save ma le Four Square ma afai o lea na e faatauina e tatau ona toe faafoi mo se refund.
O loo galulue nei le New Zealand Food Safety ma le kamupani na gaosia sosisi nei – The Neat Meat Company Ltd e suesue le faaleagaina o sosisi ma ia aua nei toe tupu.
Ae mo soo se tasi na taumafaina ma o loo popole i le tala ua toe sau nei, o loo fautuaina le valaau o le Healthline.
