Na toe faafoi ane foi se tasi faigamalaga a le Qantas mai Melepone i Perth ina ua mānavaina e le pasese ma le auvaa le manogi o le suauu mai le pito i luma o le vaalele.
Fai mai e lei leva ona agai ese le vaalele Boeing 737 mai le malaevaalele i Melepone i le taeao ananafi e lata i le 10 ae iloa loa le tulaga lea e le aufaigaluega.
Fai mai le sooupu a le Qantas na faatino tulaga masani tau le puipuiga ma toe faafoi ane ai le vaa i le malaevaalele.
E molimau se tasi o tina o se pasese na i luga o le vaalele i lea taimi, na tagi i le taimi atoa lea ona o lona popole tele peitai na toe tulaueleele manuia le vaalele i Melepone ma faia ai fesuiaiga ma le siakiina o le vaa.
Na toe faaauau lava le faigamalaga lea i se taimi mulimuli ane i le aso ananafi ma taunuu manuia ai i Perth.
