Ua toe tatala faigamalaga i le va o Samoa ma Amerika Samoa ma o Aso Tofi ma Aso Toonai lea o le a toe faaauau ai lea tautua i malaga a vaalele faapea vaa o le sami.
Ua faailoa e le afioga i le taitai o le atunuu le tamaitai Palemia Fiame Naomi Mataafa le toe faia o ia malaga i le na’o le lua aso i le vaiaso mo i latou e malaga i galuega faavaitaimi mo Kamupani tuu apai’a i Amerika Samoa faapea foi malaga masani.
Taua e Fiame “E talitonu o se laasaga lelei lea aemaise mo le tatou va tuaoi ma Amerika Samoa, o se tasi lea o tatou paaga e taua foi le tatou fesootai ma galulue faatasi i auala aemaise lava i le faatupulaia o le tamaoaiga o auala o fefaatauaiga ma lesi lava itu e masani ai tatou o le femalagaa’i i luga o faalavelave a o tatou aiga”.
Sa taofia malaga i le vaega o Samoa e lua ina ua aliae mai nisi o tagata malaga na aafia i auga o le faama’i o le Koviti19 i totonu o Amerika Samoa ina ua toe taliu ane i le teitori i le masina na tea nei.
