O le mataupu e faatatau i vaamaulu lea na afua ai se feeseeseaiga i le va o Ausetalia ma Farani i se taimi ua tuanai e foliga ua faamagalo ae le galo.
O lipoti a le alaata 9 i le asō ua ta’ua ai o atunuu e lua o Ausetalia ma Farani na o la faalauiloa i le po anapo le faaopopo atu o nisi fesoasoani ia Ukraine ma ua lagolago foi Farani i se fuafuaga e talimalo faatasi ai ma Ausetalia i le fonotaga a le lalolagi e faatatau i suiga o le tau.
O le uluai feiloaiga lea a minisita o puipuiga a atunuu e lua talu ona tulai mai le feeseeseaiga i le va o le Palemia sa iai talu ai a Ausetalia, Scott Morrison ma le Peresetene o Farani o Emmanuel Macron.
I se feiloaiga la a le autusitala ma le minisita o le va i fafo a Ausetalia faatasi ai ma le minisita o le puipuiga Richard Marles ma le sui o vaegaau a Farani e foliga ua faaata ai ia latou saunoaga le mataupu lea ma le manatu e le tatau ona toe oo iai i sea tulaga.
O le tausaga na tea nei na foliga ai ua faauma lea mataupu ina ua feiloai le taitai o Farani ma le Palemia o Albanese i le fonotaga sa faia i Paris ma amata ai se isi itulau fou i le va o atunuu e lua.
