E to’atolu alii ua molia i le gaoiga o se bowling club i Newcastle, fai mai leoleo o loo feta’ua’ina o se galuega faatino mai lava i totonu o le kalapu.

Pe o le ta o le 5 i le vaveao o le Aso Gafua, 30 o Tesema i le tausaga ua te’a na valaau ane ai leoleo i lea kalapu i Hamilton North.

Na faailoa ane o alii e to’alua na aga’i atu ma naifi tulou ma ofu uli na ulufale i le kalapu poo le ta o le fā i le vaveao, feta’ua’ina lo la osofa’ia o se tagata faigaluega, a o le’i gaoia tupe ma sosola ese.

E 44 tausaga o le tagata faigaluega na aafia na togafitia e paramedics ma ave atu i le falema’i ma i le mae’a o su’esu’ega ua faia ai nei se osofa’iga a leoleo i ni tuātusi se tolu na pu’e ai se alii e 50 tausaga mai le isi nofoaga ma molia i le gaoi mai lana pule.

Sa tula’i i le faamasinoga ananafi ma e le’i mafai ona tatala i tua.

Puna o Faamatalaga: https://www.9news.com.au/national/three-charged-over-bowling-club-robbery-newcastle/d9b31939-985c-47ee-b9d8-ecee4cabec22