Toatolu leoleo manunua ise faalavelave i Glen Eden

Ua fana e leoleo se alii ise faalavelave ua manunua ai malu o le malo e toatolu ise tuatusi i Glen Eden. O le faalavelave e pei ona lipotia mai ile taeao nei ua taua ai e leoleo na oo atu le vaega faaaupegaina a leoleo ile tuatusi lea ile tea ole valu ile taeao analeila ma taumafai e faatalanoa ma le na aofia ile faalavelave peitai na iu ina faifaitetele ma tafana ane ai e le tagata lea leoleo ma toe tali atu loa iai malu o le malo peitai ua faailoa mai e toatolu leoleo o loo togafitia ile falemai.

E toalua leoleo e manua mitimiti ma le toatasi e tigaina e pei ona taua ile lipoti ma o loo togafitia uma I le falemai i Aukilani. O molimau a nisi e i le faaitu lea pei ona faamatala ile One News ua taua ai na faalogoina mea o papa leotetele ane aemaise le faalogoina o fana. Fai mai o se faaitu e masani ile filemu peitai ua matauina ua fai si tele o faalavelave ua lipotia mai ai.

Ua molimau foi nisi e aumau i le faaitu lea ile au tusitala ua molimauina le toatele o tagata o kegi ua vaaia ile pitonuu aemaise nai isi faalavelave na tutupu talu ai nei foi ma o nisi ua taua ua mafaufauina le agai ese ma le pitonuu lea ona o le tele o le mau faalavelave ua aliae mai ai. I se pea o faamatalaga mai le minisita o leoleo, Poto Williams ua taua ai lona fuafua e asia malu o le malo ua aafia i lenei faalavelave.

E le o manino mai le mafuaaga o le faalavelave ile taimi nei peitai o loo faatalia seisi lipoti lata mai mai leoleo ae ua lipotia mai ua maliu le na aofia ile faalavelave.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required