Ua ripotia e le tele o ofisa faasalalau o Niu Sila le poloka ai o le auala i Great North Road i le taulaga o Aukilani ona o toe sauniga o se alii Samoa ia Taranaki Ardie Fuimaono lea na uma lona ola i le falemai i Aukilani i le vaiaso na tea nei.
Na faatumulia fafo ane o le malumalu a le Ekalesia Katoliko St Joseph’s i Grey Lynn i le aso ao faagasolo ai toe sauniga o Taranaki. O ananafi na tuuina ane ai se faaaliga mai Leoleo e faatatau i se numera tele o sui o kegi o le a auai ai i le sauniga lea ona o le ua maliu sa iai ona sootaga i kegi e pei o le Head Hunters ma le King Cobra.
O le vaiaso nei na faailoa mai ai sa i le vaaiga a leoleo ma maliu ai ile afiafi o le Aso toonai i le maota gasegase i Aukilani, Taua i lea lipoti se faamatalaga mai leoleo e faapea o loo iai ni sauniga e fesootaI le maliu o Fuimaono o loo faia i vaega eseese ole aai i le aso mai Pt Chevallier agai i Grey Lynn ma vaega o South Auckland.
O loo faia nei le suesuega e faatatau i lona maliu ma ua logoina foi le vaega suesue tutoatasi a leoleo le Independent Police Conduct Authority ma ua logoina foi le Worksafe NZ ma le coroner.
