E faitau afe tagata faigaluega sa faapotopoto i le asō mo sa latou solo tetee i Melepone i se gaioiga e tetee atu ai i le tulaga ua tula’i mai i le Iuni a tagata faigaluega le CFMEU.
Ua faia lea fuafuaga i le mae’a o se faatasiga na valaauina e ta’ita’i o le iuni ua faamālōlō nei ma e to’atele na auai ane ai i Brisbane i le aoauli ananafi.
Ua lipotia i le asō e to’atele atu le autetee i le asō i Melepone, fai mai pe oo atu i le 85 afe tagata faigaluega.
O le ogatotonu o le taulaga na faatino ai le latou finauga i le asō.
O le masina talu ai e faitau afe tagata faigaluega i Brisbane, Sini, Melepone na tuua meafaigaluega ae auai uma e faailoa le tetee i le faai’uga a le malo na faia ia faamuta ai le CFMEU.
Ta’ua le aafia ai o ni kegi tietie pasika i le iuni o se tasi lea o mafuaaga o le faai’uga a le Malo.
Puna o Faamatalaga: https://www.9news.com.au/national/cfmeu-protests-melbourne-workers-to-walk-off-construction-sites/ac5eaa4c-d6d0-4200-906b-490e49ba7656
