E toatele tagata Niu Sila e le gafatia le tau e vaai ai le fomai nifo.
Mai le ripoti ua ta’ua o le Tooth be told na tuufaatasia e le asosi o Salaried Medical Specialist ma lagolagosua iai le Auckland City Mission, ua maua ai o le 40% o tagata Niu Sila e le o mafai ona o e vaai le fomai nifo.
O le kuata o le miliona o tagata Kiwi i tausaga uma ua sili ai le se’i o le nifo pe a tigaina tele.
O itu ua avea ma pa pupuni o le taugata tele, umi na faatali toe leai se auala e alu ai i le falemai.
Ua sau ai ma le talosaga a le iuni o fomai nifo e faia fua lea auaunaga ona e matua moomia e tagata uma.
Mai le City Mission, ua o latou molimauina o le taugata tele o le tau e vaai ai se fomai nifo ua sili ai lava i nisi le mamai o nifo.
O le ‘afa o tagata e le gafatia le tau e vaai ai fomai nifo o Maori ma Pasefika.
