E silia ma le 200 le aufaigaluega a le Vaega o le Puipuiga ua o latou filifilia le vāea mai galuega ae o loo iai nisi vaega ua fuafua le ofisa e faatulaga e faasao mai ai le tupe alu.

Ua lipotia e le RNZ na o latou vaaia se imeli na lafo i le aufaigaluega i le aso ananafi e faailoa ai ia i latou ua o latou taliaina, o le to’atele o i latou e sili ma le 200 na faailoa finagalo o le a o latou taliaina le vāea o i latou mai galuega.

O loo ta’ua i le lipoti e lē o iai se fuafuaga e faaitiitia le aofai o le aufaigaluega militeli ae o le faamatalaga na fai i le aufaigaluega o loo taumafai ia ausia faamoemoega ma ia faasao tupe, o le faatulagana o loo feta’ua’ina ua fuafua e tupu i le va o Aperila ma Iuni o le tausaga fou.

Puna o Faamatalaga: https://www.rnz.co.nz/news/political/528488/defence-force-planning-restructure-to-cut-costs-as-200-civilian-staff-opt-for-voluntary-redundancy