E to’a 12 na ave e leoleo ma le 74 na tuuina atu iai pepa o faasalaga i le lē usitaia o le faasā o le ‘ava malosi a o iai i le Whangamata Beach Hop i le po o le Aso Toonai.

I se faamatalaga mai leoleo, e toatele lava na amio lelei i le Whangamata Beach Hop i le faaiuga o le vaiaso, peitai na iai foi ma le au le usiusitai.

Na ta’ua e leoleo o se faanoanoaga tele le lē usitaia o tulafono ma e faapea e ui i le toatele o leoleo sa iai i le leoleoina o le polokalame ae sa lei amanaia lava e nisi o avetaavale.

O le Whangamata Beach Hop na faatasitasi ai le faitau afe o tagata e le gata e faaali ai le tele o a latou taavale anagata ae faapea foi ma faafiafiaga.