Ua faatalosagaina mātua e tautuana le vaaiga o fanauiti a o toatele ai fanau ua taofia i le falemai ona o le aafia o le mānava.
O fanau iti lalo o le 5 tausaga lea o loo tele ina auina atu i le falemai ma taofia e tusa ma molimau a le sui o le Starship i Aukilani.
O le sau ai o le tau malulu e le gata o le malosi o le fulu mo le toatele o le fanau ae faapea le tau puni o le mānava ma moomia ai le ave i le falemai.
I faamaumauga a le State of Child Health e pei ona sau i lana lipoti, o loo ta’ua ai o le aafia o māmā o fanau na amata vaaia mai le tausaga e 2000 le alu pea i luga.
E ese mai i le tau puni o le mānava, o le tale vivini poo le whooping cough lea ua toatolu fanau ua maliliu ai ma le misela isi faamai o loo popole ai nei fomai.
