Sa logoina le vaega o fesoasoani faavavave i Aukilani i le faalavelave i West Coast Rd i Glen Eden i le po anapo poo le lata le ‘afa o le 9.
Na lipotia mai e toatasi le tagata na manu’a tigaina i totonu o se fale na sasao ane ai se afi ma aveina atu loa i le falemai e pei ona faailoa e se sooupu a leoleo i le taeao nei.
O le faamatalaga lata mai a leoleo ua faamaonia ai ua maliu sia tagata e mafua mai ona manu’aga mai lea faalavelave.
Ua ta’ua e leoleo o loo galulue faatasi nei ma le vaega o le tineimu i le suesuega o le mataupu lea aemaise lava le mafuaaga o le afi.
