E toatasi lava le tagata ua faamanuiaina i se vaegatupe tele e 50 miliona tala Ausetalia mai le taaloga o le Lotto. O le setete o Vitoria lea e malo mai ai le pepa lea i le OZ Lotto i le po anapo. 

Fai mai le ofisa o le taaloga e lei lesitalaina le pepa malo ae sa faatau i le City of Casey i le itu i Saute Sasae o Melepone.

O lona uiga sei vagana ua siaki e le tagata lana pepa ona faatoa mafai lea ona iloa lea tagata ua faamanuiaina.

Fai mai o le faailoga aupito i tele lea o le Lotto ua manumaloina i lenei tausaga, e 50 miliona, alu i le tagata e toatasi.