E toalua alii ua tautino ia la gaioiga na faia i le osofaiga o se tasi o mall pisi i Aukilani lea na aveesea mai ai le lata i le 200 afe o oloa na gaoia mai se jewellery store i le mall.
Faapea le faamatalaga o nei oloa na toe faatauina atu mulimuli ane i le isi foi jewelley store lata ane.
O Raimoana Tehanu 28 tausaga mai Manurewa ma Aidan Webster 19 tausaga mai Birkdale na ioeina o la moliaga i le faamasinoga i le aso ananafi ona o le gaoia o ia faleoloa i le taulaga faatau i Royal Oak.
Fai mai leoleo sa taumafai le ‘au alii ia e pupuni foliga e ala i le faaaogaina o face masks, mata tioata ma pulou ina ua taunuu ane i le nofoaga lea i se taavale gaoi foi ma o suesuega a leoleo na maua ai se vaega tele o jewellery mai totonu o le taavale sa o latou faaaogaina atoa ai ma auupega o samala.
Ua faailoa o le masina o Aperila ua faatulaga ai le lauina o iuga o le toalua lea ma le isi alii sa o latou toatolu ai i lenei osofaiga.
