st-john-ambulance

Toalua talavou manunu’a tigaina, toatasi ua maliu i le faalavelave i Kalaiesetete

Fai mai leoleo o lea ua tau vavala mai ata o le faalavelave na tupu I le faaiuga o le vaiaso I Kalaiesetete lea na manunua ai tamaiti e toatolu.

Saunoa Inspector Michael Ford mai le ofisa o leoleo o talavou e toalua e 14 tausaga ma le 17 tausaga na manunua tigaina mai lea faalavelave ma leisi talavou e 16 tausaga ua maliu.

Taua e Ford pei ona lipotia e le One News ua tau manino mai le faalavelave na tupu ina ua maea faatalanoa nisi o tagata sa silafia faamatalaga I lenei faalavelave I Medbury Terrace I Fendalton I le po o le aso Faraile.

O nisi o I latou ia e aofia ai ma tagata mai le aiga o le talavou ua maliu Zion Purukamu, sa o latou faailoa foi le faafetai i le lautele o le komiuniti I Kalaiesetete na fesoasoani ane I lo latou aiga ma ua talosagaina sina taimi paganoa mo lo latou aiga ao tapena ai toe sauniga o le talavou.

O nisi faamatalaga mai lea lipoti o loo taua ai o se pati na faia I le nofoaga lea, lea na tupu ai se vevesi ma aafia ai ia talavou e toatolu. O loo tālia nei la se lipoti lata mai a leoleo I le suesuega o loo faia I lea faalavelave

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required