O se tamaitai e 30 tausaga le matua, o ia le tagata lona lua ua ma’umau soifua i le faalavelave na tula’i mai i le faai’uga o le vaiaso i le itu i Matu o le setete o NSW.
Poo le ‘afa o le 3 i le aoauli o le Aso Toonai na te’a nei na feto’ai ai se taavale ma ni uila vilivae i luga o le alatele o Long Swamp Rd i Armidale ma toe feto’ai ai le taavale lea ma se laau.
O se tasi o le autietie uila e 60 tausaga le matua na maliu ai lava i le nofoaga lea ma o loo tālia le faamaoniga o lea tagata.
O isi tietie uila e to’atolu e aofia ai ma se tama talavou ma isi tagata matutua e to’alua, 39 ma le 57 tausaga le matutua na ave uma i le falema’i mo togafitiga.
O le avetaavale o le taavale na aofia o le tamaitai lea e 30 tausaga fai mai sa omia ai i totonu o le taavale ma taumafai ai galuega e lavea’i ane ai.
Na ave i le falema’i ae faailoa mai na maliu lava i le aso ananafi.
O loo faatalia se faai’uga mai le coroner i le mataupu a o faaaauau ai su’esu’ega a leoleo.
Puna o Faamatalaga: https://www.9news.com.au/national/second-person-dies-after-car-bicycle-crash-armidale-nsw/af62b9c6-3dfd-4e16-b6fc-c01ce025b2c8
