A o iai leoleo ia latou suesuega taulai ia i latou o loo i kegi ma o loo solia le tulafono, e toalua sui o le Head Hunters na saisai mai Aukilani i Sisifo ananafi.
O lea sa iai i se tasi o fale e faapea e fesootai ma le sui sinia o lea kegi, ma e le gata o le tele o meatotino o loo faaaoga i faiga faasolitulafono e pei o se tasi o masini e mafai ona faia ai security cards, o laau faasāina ae faapea ai ma le explosive gel.
O le gel lenei na malolo ai ma suesuega ae taumafai le defence force e faaleaoga ma o i lea na sau ai le pa’ō leotele lea e faapea na faalogoina e nisi o aiga tuaoi ananafi i lea vaega o Aukilani.
Mai leoleo o se faiga na faia ina ia mautinoa le saogalemu o le aufaigaluega faapea le komiuniti.
O i laua na saisai mai ua molia ai e le gata o le umia o nei meatotino ma auupega faasolitulafono ae faapea fualaau faasāina.
E 61 tausaga le matua o le tamā o ia o le sui sinia o le Head Hunters ma le isi e 48 tausaga o le sui foi o le kegi, ma o le asō e tutulai ai i luma o le faamasinoga faaitumalo i Waitakere.
