E toalua alii ua maliliu ina ua lavea le la taavale i le itu i Saute o Perth.

Fai mai tala a le 7News o le avetaavale e 24 tausaga ma lana pasese e 29 tausaga ua maliliu uma ona o le ogaoga o manu’aga i le faalavelave lea i le afiafi ananafi i le freeway i le faaitu o Wandi. 

Fai mai leoleo na taia le taavale i le sima i le autafa o le auala i le off ramp ma mafua ai ona lavea ma agai sa’o ai i se puipui o le auala ma na maliliu lava i laua ia e lei oo i le falemai.

O loo faagasolo nei suesuega i le faalavelave ma talosagaina foi e leoleo nisi e silafia ni faamatalaga ina ia feoasoani ane i le suesuega.