O le paka a se tasi o fale’aiga a le McDonalds na lipotia mai ai le pa pa ane ai o fana i le po anapo i le itu i Sisifo o Melepone.

Fai mai na agai atu leoleo i le McDonalds i Friendship Drive i Tarneit e lata i le 12 i le po anapo ina ua  faalogoina le pa o le fana, mulimuli ane na maua e leoleo se alii i le auala o Tarneit  o loo iai manu’aga i lona lima.

Ta’ua i lipoti na faanatinati ona avatu lenei alii i le falemai mo togafitiga.

O le isi alii na maua i tala ane o ni pisinisi i le auala o Derrimut e iai foi manu’aga i lona tino, na faapena foi ona ave o ia i le falemai mo le faia iai o togafitiga.

Ua tapu ona toe uia le nofoaga na tupu ai le faalavelave ma ua faia iai suesuega ma tau faamautu e leoleo poo le ā tonu le mea na tupu.