Ua iai le popolega i le pa’ū o le fuainumera o fanaua’oga e faaulu mo a’oga i Ueligitone.
O le 78% o a’oga i Ueligitone o lea ua to’aitiiti atu tamaiti e lesitala pe a faatusa i le fuainumera sa iai i le 2019.
Ua lipotia e le 1News o le taugatā o le tau o le soifuaga ma le taugatā o le tau o fale i nisi o vaega o Ueligitone, o le isi lea mafua’aga o le oese o aiga.
Ua fai mai ai ma faia’oga faapea nisi o a’oga i Ueligitone, o se popolega tele lea tulaga.
Ae a tuu mai i Aukilani ma Kalaiesetete, e lē o le mea lea o iai, o lea e alu i luga le to’atele o fanaua’oga ma o nisi o a’oga o lea ua toeitiiti faatoluina le fuainumera o fanaua’oga na iai i le 2019 ma le taimi lenei.
I tausaga talu ai o loo maua mai ai i faamaumauga o lea an alu i luga le tele o talosaga mai a’oga e faaulu atu i le matagaluega o a’oga mo tupe faaopoopo ona o le faaopoopo o le fuainumera o fanaua’oga, ma o le tele lava o a’oga tulagalua.
I faamaumauga ua toe faailoa nei mai le 81 a’oga i Ueligitone, e 63 a’oga o lea ua sau i lalo le fuainumera o fanau e faaulu atu, ae 18 a’oga ua alu i luga.
Puna o Faamatalaga: School rolls: Wellington in decline — Auckland, Christchurch growing
