Ua faamaonia mai e toafā tagata ua pueina e leoleo ona o le gaoia o se nofoaga faapisinisi i Point Chevalier i Aukilani i le taeao analeila.
Fai mai leoleo na o latou maua lipoti o le faalavelave lea poo le afa o le 4 i le vaveao, e talitonuina o nisi o oloa na gaoia mai ao lei agai ese mai le kulupu o loo masalomia i le mataupu lea, mai lea nofoaga lea fai mai e lata Huia Road.
Ta’ua e leoleo na sosola ese i latou ia i se taavale lea na maua mulimuliane ua tia’i i Savoy Road Glen Eden.
O le toafā lea na maua e leoleo i se nofoaga lata ane ma pue uma ai loa. Fai mai faamatalaga o nisi o nei aitema e talitonuina na o latou aveina ua toe maua ma faafoi i lē e ana.
O le alii la e 18 tausaga ua fuafua e tulai i le faamasinoga i Aukilani i se taimi e le o toe mamao ae o le isi toatolu ua tuuina atu i le Youth Aid.
