E toatolu tamaitai ae toatasi se tama tane o se tagatanuu o Fiti sa faigaluega uma i le kamupani o le Tradepac Maketing Samoa Limited, ua molia i lo latou faia o se solitulafono e fesootai i le aveesea poo le gaoia o se tinoitupe e tusa ma le 200 afe tālā a lea kamupani.

O le amataga o le vaiaso na tutulai ai i latou uma ia i le faamasinoga peitai e lei tuuina atu ni a latou tali seia mae’a lelei suesuega a leoleo.

O le isi itu ua fautuaina le loia o loo tulai mo i latou ina ia silasila lelei pe lē ono iai se aafiaga o lona tauave uma o o latou moliaga ina ne’i tulai mai se tulaga e feteenai ai ni mau a i latou o loo molia.

O le maualuga o se tinoitupe a le kamupani na toesea o loo molia faatasi uma ai i latou e 154 afe tala.