Search
west Sydney fight

Toafā manunua ise vevesi ile itu i sisifo o Sini

E toafa tagata e aofia ai ni talavou se toatolu ua lipotia na manunua ise vevesi na tulai mai I le itu i sisifo o Sini ile afiafi ananafi. Fai main a valaau ane ai leoleo I le nofoaga I Rose Place I Lalor Park ile tea o le lima I le afiafi ona o lipoti e faapea o tagata sa faaaupegaina I pate baseball, laau ma uamea faapea ma naifi tulou, sa aofia uma ai I lea vevesi.

Na sosola ae lei taunuu atu leoleo ae o se taimi mulimuli ane o loo taua I lipoti mai le ala ata 9 na aveina ane ai se talavou 21 tausaga e togafitia I le falemai I Blacktown.

O leisi talavou e 16 tausaga na togafitia foi I le falemai I manuaga I le ulu ma le tino, ma leisi talavou 16 foi tausaga na ave ile falemai I Westmead e togafitia ai. Faamaonia e leoleo ole toafa uma lea sa aofia ai ile vevesi.

O loo faia nei suesuega ae o loo talosaga leoleo I nisi e silafia faamatalaga I le faalavelave lea ina ia fesoasoani ane. Maua e talafou nisi o lipoti e faapea e foliga o nisi na aofia ile vevesi oni talavou pasefika.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required