Ua tuanai le aso Faraile ua mavae sa faauu ma lau ai togi o le vasega fou e 65 o leoleo e aofia ai nisi o loo galulue o leoleo o le falepuipui. Peitai o le amataga o lenei vaiaso na faatoa faatauto ai se tagata faigaluega fou o le falepuipui i Tanumalala, ma faapena foi ona aloaia ai ma le siitia o tulaga o nisi e toatolu o le au faigaluega lava i totonu o le falepuipui.

O Peacilia Avia ua siitia lona tulaga ose ofisa sinia ile tauaveina o tiute faaleoleo o le falepuipui, Yuri Niko Vili ua see atu foi o se ofisa sinia, e faapena Leone Filemu ua siitia mai le tulaga o le satini ile avea ma sooupu sinia ma ose tasi foi o ofisa mo polokalame tau ile pulega o le falepuipui, ma Sapati Saveaalii ua faatauto e avea ma fai polokalame sinia i totonu o le nofoaga i Tanumalala.

O le Komesina o le matagaluega o leoleo,falepuipui ma le ola toe fuataina faatasi ai ma nisi o le au mautofi ile pulega sa auai ile sauniga na aloaia ai le siitia o tulaga o ia leoleo o le falepuipui.