O le Aso Lua o lenei vaiaso ua faatulaga e le Kolisi o Matata Eseese a le Pasefika a le Malo o Ausetalia o loo i Samoa le APTC, o se tasi o aso tāua mo seleselega i le mae’a ai o nisi o a’oa’oga sa feagai ai nisi o alii ma tamaitai ma mataupu tau i le faaleleia o le tulaga i le silafia o le gagana, faitautusi ma le pulea o le ita.
O nisi foi ua faamanuiaina i suesuega i mataupu e pei o le palama ma le tomai i le fausia o maota tetele.
O tamaitai e to’a 35 mai le aofaiga o le vasega faauu e to’a 67 o le a maua tusipasi i ia tomaitau matata eseese, ma o se tulaga maoa’e lea i le siitia o tamaitai i se tulaga ua laugatasia ai ma le itupa o alii i le umia o faailoga maualuluga i tomai o le fausia o fale ma le palama, e pei ona iai matata eseese sa tele ina ave e le itupa o alii i le tele o tausaga ua tuanai, a o iai le aoga o matata eseese a lo tatou atunuu.
Ua faailoa mai foi e to’a 13 nisi e iai manaoga tumau o le tino ua mae’a foi ona latou suesueina mataupu i le gagana, o le tomai i le numera poo le matematika ua aofia i le vasega faauu.
O le sui o le Malo o Ausetalia i Samoa le tamaitai Komesina maualuga o Emily Luck o le a saunoa i le lauga aami o le faauuga.
