O loo i le falema’i nei se tama’ita’i ua aafia nei i ni manu’aga tugā ina ua aafia i se laau malosi mai se osofa’iga poo se drive by shooting i Shortland Street, Wainoni Kalaiesetete poo le toe 15 minute i le itula e 9 i le afiafi o le Aso Sa.
Na tali atu leoleo ma taavale falema’i o fesoasoani muamua, ae ta’ua i lipoti e maua atu e leoleo ma sui o faalavelave tutupu faafuase’i, ua i se tulaga tigāina le tamaita’i.
O lea na faanatinati atu ai loa le avatu o lē ua aafia i le falema’i.
Faamanino e leoleo, e iai lo latou talitonuga, na sola ese lē na faatinoina le soligatulafono i se taavale ma o loo iai foi masalosaloga e ese le tagata na faamoemoe lea tagata e faaoo iai le oti ae o lea ua aafia sia mafine.
Faamaonia e le sui o malu o le malo, Detective Senior Sergeant Craig Farrant, le iai pea se leoleo i le nofoaga na alia’e ai lenei faalavelave, ma o loo faasolo sa’ili’iliga i le matāupu.
I le taimi nei o loo sa’ilia pea lē na faia lea gaioiga mata’utia ma ua faamauina le su’esu’e ai e leoleo o le taavale ma ē o loo aafia i lenei osofa’iga.
Puna o Faamatalaga: https://www.nzherald.co.nz/nz/christchurch/christchurch-street-cordoned-off-by-police-after-serious-incident-overnight/6GBQHLW5SJFKFJMPQTOLETDVEU/
