Ua tuua’ia e Thailand le atunuu o Cambodia i le solia o le maliega mo le taofia o vevesi i lo la tuaoi peita’i o loo iai feutana’iga o loo faia i itu e lua.
O le sooupu o le Ami i Thailand na ia ta’ua i le CNN, e tele taimi ua lipotia mai ai le tula’i pea o vevesi i tuaoi ae o loo iai pea le fitafita a Cambodia i lea nofoaga.
Sa malilie ta’ita’i o itu e lua i le fonotaga i le aso ananafi ina ia taofia loa vesiga i le taimi nei ma o se taumafaiga foi lea na folafola e le Palemia o Meleisia, Anwar Ibrahim ina ua faia fonotaga a atunuu e lua.
Ua fai si umi o faifai pea nei vesiga ma e ui i le maliega o le filemu na ta’ua ananafi, peita’i ua lipotia foi i le asō le tuua’ia e fitafita a Thailand o Cambodia ona o le tafanaina o ‘au’upega i le tuaoi.
O Saina ma Amerika na auai ai foi i feutana’iga na faia i le va o atunuu e lua.
Puna o Faamatalaga: https://edition.cnn.com/2025/07/28/asia/thailand-cambodia-ceasefire-intl
