O loo faia nei sailiga a leoleo mo le au gaoi ua teu faaleoleo ae o latou osofaia se fale i North Shore.
Fai mai lipoti a le Newshub o loo feta’ua’ina o le vaega lea na osofaia se fale i Tui Glen Road i Birkenhead i le Aso Tofi o le vaiaso talu ai i le vaeluaga o le po.
E feta’ua’ina na o latou gaoia mai ai ni aitema mai lea fale ae lei sosola ese i ni taavale se lua ae ua faailoa e se sooupu a leoleo le mafatia o si aiga na aafia.
Ua faailoa i isi lipoti mai le Herald o le au osofai lea sa o atu ma fana ma pepper spray ae e le o faamaonia mai e leoleo lea tulaga.
Fai mai leoleo o loo lipotia o i latou na faatinoina lea solitulafono sa o latou ofuina hi vis vests o loo iai ma le faailo a leoleo.
O loo faaauau pea suesuega.
