Fai mai e oo atu i le 20 afe peimeni ua faatulaga e ofo atu i tagata e fia avea ma leoleo i Kuiniselani a o alo atu ai le faigamalo a le setete e faatulaga se tali atu i le faafitauli ua faifaitetele i lea faaitu o Ausetalia, o soligatulafono a talavou (youth crime).

Na folafola e le Premier o le setete o Anastacia Palaszhu le paketi e 90 miliona i le uluai saofaiga a le Palemene i le aso ananafi ma faailoa ai o se vaega o lea paketi o loo faaagaga mo i latou mai isi setete poo ni leoleo foi mai atunuu i fafo lea e fesoasoani ai ituaiga peimeni ia mo le masii atu e nonofo i Kuiniselani (relocation costs).

Ua faailoa ai foi o tamaiti aoga i Iunivesite o loo ave mataupu e pei o le psychology, criminology, social work ma le counselling e mafai foi ona agavaa i se faamāmā avega mo le totogiina o pili aoga pe afai ae lesitala i le Auaunaga a leoleo i Kuiniselani.