Search
Photo Credit: Newshub

Tetee atu Niu Sila ma le Five Eyes i se kulupu feta’ua’ina e galulue mo Lusia

Ua faaopopo atu Niu Sila i ana paaga faavaomalo le Five Eyes i le tetee atu i gaioiga ogaoga i luga o upega tafailagi a se auaunaga ua ta’ua e agai sa’o i le faigamalo a Lusia.

O se fautuaga ua faamatuu atu e le ofisa a Niu Sila, le National Cyber Security center ua vaavaalua atu ma ni faamatalaga foi mai atunuu o le Five Eyes ua ta’ua ai o le kulupu mai Lusia le Star Blizzard ua toetoe ina faamautinoaina o loo galulue mo le Russian Federal Security services.

O loo lipotia o loo faatino e lea kulupu osofaiga i luga o upega tafailagi agai i faalapotopotoga ma tagata taitoatasi i le UK, Amerika ma isi vaega.

Ua faailoa la i se faamatalaga a Judith Collins o ia foi o le minisita o loo feagai ma fesootaiga a le malo e matuai tetee lava Niu Sila i ia gaioiga. 

O le amataga o le tausaga nei na tuuaia ai foi e Niu Sila faapea atunuu o le Five Eyes, se kulupu mai Saina i le taulai o ana osofaiga ia Amerika ma e ono mafai foi ona faatino i nisi i soo se vaega o le lalolagi atoa.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required