O le aso 28 o le masina lenei o Tesema le aso Sa mulimuli o lenei tausaga 2025, na atoa ai le 96 tausaga talu ona tuumalo le afioga Tupua Tamasese Lealofi III, ina ua tagatavaleina ma masoe ai i se vaega o le alatele autū i le taulaga o Apia.
Ua lausilafia e le atunuu le māfua’aga o lea gaioiga a se fitafita o le malo o Niu Sila sa pulea Samoa.
Na maliliu ai ma isi tagata e to’afitu o sui o le Mau a Samoa sa finauina le faamuta o pulega a Niu Sila ae avea lo tatou atunuu ma malo tuto’atasi.
O le aso 28 o Tesema o le tausaga e 1929 na tagatavaleina ai le Tamaaiga.
O le tasi lea o tala faavauvau i le talafaasolopito o sa’iligamalo a Samoa.
Manuia le Tausaga Fou ae tatou feiloa’i i le masina fou o Ianuari 2026 mo le faaauauina o le tautua o le galuega taulogologo.
