Tele tupe a ratepayers i Nelson ua toe faaalu e faaleleia ai falelēta’ua o loo i nofoaga faitele ua faaleagaina e le aufaaleaga mea.

O meatotino nei o loo iai i nofoaga faitele peitai e faanoanoa tele le city council a Nelson i le faaauau ona talepe e le gata i totonu o falelēta’ua ae faapea ogapaipa, tatae faamalama ma tusitusi.

Na faailoa ai foi e le council a Nelson e foliga mai o le tagata o loo faia o se tasi e mautu ana meafaigaluega lea o loo ili ai le tele o paipa ma tata’e ipu o falelēta’ua.

O ni galuega toe faalelei e le taugofie e tusa ma tala mai le council ma i totonu o le $27,000 ua toe faaalu ai, e tusa ma le $13,000 na faaaluina i totonu o le na o le 3 masina.

I lipoti o loo faaauau pea e pei ona toe faia foi i vaiaso e lei mamao atu.