O le amataga o le tausaga faaletupe fou i le aso a taeao e le gata ina amata ai ona mafai ona tuuina talosaga mo tupe e toe maua mai i lafoga totogi poo tax return ae iai foi ma isi suiga o le a amata faamamalu ai mo Ausetalia.
O suiga i superannuation faapea foi ma le siitia o le tau o le eletise, suiga foi i tupe maua a nisi i faamanuiaga mai le centrelink.
O le tau o le eletise o le a siitia ma e eseese uma siitaga a setete.
I le supa o le a siitia mai le 10.5 pasene o le totogi o le tagata e alu i lana supa ae o le a faaopoopo atu e le fale faigaluega i le 11 pasene.
O le totogi aupito maualalo o galuega o le a siitia mai e $21.38 sene i le itula i le $23.23 sene i le itula.
O se tasi suiga tele ua amata faamamalu i le asō o le mafai lea ona talosaga sitiseni Niu Sila ua atoa le tai fā tausaga i Ausetalia i le sitiseni ma lē toe tau talosaga muamua i le nofomau e pei ona sa sau ai.
