Ua tapunia vaega o se tasi o matafaga tele i Tasmania ina ua alia’e lipoti o le siama o le E. coli ua maua ai.
Ua ta’ua e le 7News le faatonuga mai le Council a le faaitu o Latrobe i le itu i Matu o Tasmania, fai mai ua maua i suesuega ua maualuga le aofai o le siama o le E. coli i le suavai.
Na faamanino foi e le Council ua tapunia loa lava le matafaga i le taimi nei a o faia nisi suesuega ma taumafai e faamamā le nofoaga.
Na ta’ua e le pulenuu o Latrobe, Peter Freshney o le faamuamua e ave i le saogalemu ma soifua maloloina o tagata o le komiuniti ma e ao ona silafia o le siama o le E. coli e ono mafua ai nisi o gasegase e pei o le diarrhoea ma le food poisoning aemaise isi gasegase tuga e pei o le pneumonia.
E mafai ona pepesi le siama i fesootaiga i taumafa poo le sami poo i latou foi e mama’i.
